Marilyn Poitras

owiyasowêw

owiyasowêw Poitras ayâw LL.B. masinahikan ê-kî-sâpôskahk kihci-kiskinohamâtowin kisiskâciwanihk êkwa mîna LL.M. kihtwâm ê-kî-sâpôskahk êkwâyiw êkota ohci Harvard owiyasowêw kiskinohamâtowin kispaki-kiskinohamâtowin. êkota mîna kî-ohci-sâpôhtêw kâ-isiyihkâtêk kâ-nîpihk opîkiskwêstamâkêwak kâ-kiskinwahamâhcik. êkota ohci pêci-nâtêw ôhi kihci-ôkimâwa nitohtisahikêwin anima kâ-ispayik kiskinwahamâtowin kihci-kiskinohamâtowinihk kisiskâciwanihk ita ê-kî-kiskinohamâkêt owiyasowêwin aspin ohci 2009. êkota ê-kî-ohci-ohpikit sâwânohk mâci-kîsikanohk ôma piskîci-ôkimâwin Saskatchewan, owiyasowêw Poitras’ ita kâ-otaskânêsit, ohtâwiya ê-kî-ohpikiyit âpihtawikosisân ihtâwinihk kâ-paskêyâyik mêskanâhk. êkwa okâwiya ôkimâskwêwa Irish kâ-itihcik môniyâwak.

owiyasowêw Poitras kî-itâpastêw otatoskês owiyasowêwinihk, kihci-owiyasowêwin opîkiskwêstamâkêw, kâ-nohtê-tipêyimisoyit kâ-pîkiskwêstamawât, okiskinwahamâkêw êkwa kâ-wiyastât masinahikan kiskinwahamâkêwin isi ôhi ihtâwinihk kâ-ayâyit mîna ôhi wâskahikana tâskôc kâ-kanawêyimihcik ita. kî-kiskinwahamawâw kayâs owiyasowêwin êkwa kiskinowâpamêw kêhtê-aya misiwîtê ôma waskitaskimik, kî-atoskâtam ôma askiy kâ-mâmiskôtamihk ôki kêhci nistam-askîwiyiniwak ôta kâ-kanâtahk asici ôtê Phillipines ôkimâwin-askîhk êkwa ê-kî-osihtât cikâstêpayicikêwin ôma ohci nistam-askîwi-iskwêwak kâ-kî-môsci-papâmihihkcik ôta kâ-kanâtahk.