ᒥᐅᕆᓚᓐ ᐳᐃᑐᕋᔅ

ᑲᒥᓯᓇ

ᑲᒥᓯᓇ ᐳᐃᑐᕋᔅ ᐃᓕᓴᕆᔭᐅᔪᑎᑖᖅᓯᒪᕗᖅ L.L.B. ᑕᐃᑲᙵᑦ ᓯᓚᑦᑐᓴᕐᕕᔾᔪᐊᖓᓂ ᓴᔅᑳᑦᐅᐊᓐ ᐊᒻᒪᓗ ᐃᓕᓴᕆᔭᐅᔪᑎᑖᖅᓯᒪᓪᓗᓂ L.L.M ᑕᐃᑲᙵᑦ ᕼᐋᕐᕗᑦ ᒪᓕᒐᓕᕆᓂᕐᒧᑦ ᓯᓚᑦᑐᓴᕐᕕᔾᔪᐊᖓᓂᑦ. ᐊᓂᒍᐃᓂᖃᖅᓯᒪᓪᓗᓂᓗ ᓄᓇᖃᖅᑳᖅᓯᒪᔪᓄᑦ ᐊᐅᔭᒃᑯᑦ ᐱᓕᕆᐊᖑᔪᓂᑦ. ᑕᕝᕗᖓᓚᐅᖅᑯᖅ ᑲᓇᑕᓕᒫᒥ ᖃᐅᔨᓴᕐᓂᕐᒧᑦ ᑕᐃᑲᙶᖅᑐᓂ ᓯᓚᑦᑐᓴᕐᕕᔾᔪᐊᖓᓂ ᓴᔅᑳᑦᐅᐊᓐ ᐃᓕᓐᓂᐊᑎᑦᑎᔨᐅᓚᐅᖅᑐᓂ ᓯᓚᑦᑐᓴᕐᕕᒻᒥ ᒪᓕᒐᓕᕆᓂᕐᒧᑦ ᑕᐃᒪᙵᑦ 2009. ᐃᓅᓚᐅᖅᓯᒪᔪᖅ ᐊᒻᒪᓗ ᐱᖁᖅᓴᓪᓗᓂ ᓂᒋᖅᐸᓯᐊᓂ ᐃᓱᒋᔭᖓᓂᑦ ᓴᔅᑳᑦᐅᐊᓐ, ᑲᒥᓯᓇ ᐳᐊᑐᕋᔅ ᖃᓄᓐᓂᕆᓯᒪᔭᖓ ᒪᓕᑉᐳᖅ ᐊᑖᑕᖓᓂᙶᖅᑐᓂ ᒥᑦᐃᕝ ᖃᑕᙳᑎᖏᓐᓂ, ᐊᒻᒪᓗ ᐊᓈᓇᖓᓐᓂ ᑭᖑᕚᖃᖅᑐᓂ ᐊᐃᕈᓚᓐᒥᑦ.

ᑲᒥᓯᓇ ᐳᐊᑐᕋᔅ ᐃᖅᑲᓇᐃᔭᖃᑦᑕᖅᓯᒪᓕᖅᑯᖅ ᐃᖅᑲᖅᑐᐃᕕᒻᒥ ᐃᖅᑲᓇᐃᔭᖅᑎᐅᓪᓗᓂ, ᒪᓕᒐᓕᕆᔨᐅᓪᓗᓂ, ᓇᒻᒥᓂᖅᓱᖅᑐᓂ ᐋᔩᖅᑲᑎᓕᐅᖅᐸᑦᑐᓂ, ᐃᓕᓴᐃᔨᐅᓪᓗᓂ ᐊᒻᒪᓗ ᐃᓕᓐᓂᐊᕐᓂᓕᕆᓂᕐᒧᑦ ᐋᖅᑭᒃᓱᐃᔨᐅᓪᓗᓂ ᓄᓇᓕᐅᔪᒧ ᐊᒻᒪᓗ ᐃᓕᓐᓂᐊᕐᕕᓐᓂ ᐱᓕᕆᔅᓴᐅᔪᓂ. ᐃᓕᓐᓂᐊᖅᑎᐅᕗᖅ ᐱᖅᑯᓯᑐᖃᖅᑎᒍᑦ ᒪᓕᒐᓕᕆᓂᕐᒥᑦ ᐊᒻᒪᓗ ᐃᓕᑉᐸᓪᓕᐊᓪᓗᓂ ᐃᓐᓇᑐᖃᕐᓂᑦ ᓯᓚᕐᔪᐊᓕᒫᓃᙶᖅᑐᓂ, ᐃᖅᑲᓇᐃᔭᖃᑦᑲᖅᓯᒪᓪᓗᓂ ᓄᓇᓄᑦ ᐊᑲᐅᙱᓕᐅᕈᑕᐅᔪᓂᑦ ᓄᓇᖃᖅᑳᖅᓯᒪᔪᑦ ᐃᓄᖁᑎᖏᓐᓄᑦ ᑲᓇᑕᒥ ᐊᒻᒪᓗ ᑕᐃᑲᓂ ᕕᓕᑮᓐᔅ ᐊᒻᒪᓗ ᑕᕐᕆᔮᒥ ᓴᖅᑭᑎᑦᑎᓯᒪᓕᖅᑐᓂ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑮᓇᖏᓐᓂ ᑲᓇᑕᒥ.